Xalq deputatlari Namangan shahar Kengashining doimiy komissiyasi yig‘ilishi o‘tkazildi.

Namangan shahar “Infratuzilma va ijtimoiy barqarorlik” jamg‘armasi mablag‘laridan foydalanish masalasi Kengashning Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasida ko‘rib chiqildi.

Mazkur qaror aholining ijtimoiy himoyasini kuchaytirish, energiya samaradorligini oshirish hamda kam ta’minlangan oilalarni qo‘llab-quvvatlashga qaratilgan.

Unga ko‘ra, I-guruh nogironligi bo‘lgan va mehnatga layoqatli a’zosi mavjud bo‘lmagan 28 ta oilaning uy-joy sharoitlarini yaxshilash belgilandi.

Xususan, mazkur xonadonlarda devor va tom qismlarini izolyatsiya qilish, energiya tejamkor deraza va eshiklar o‘rnatish, shuningdek, quyosh panellari yoki geliokollektorlar o‘rnatish ishlari amalga oshiriladi.