Tuman Tibbiyot birlashmasi rahbariga Xalq deputatlari Toshloq tuman Kengashi deputati M.Qoraboyeva tomonidan O‘zbekiston Respublikasi Prezidentining 2023-yil 8-sentyabrdagi “Onalar va bolalar salomatligini muhofaza qilish, aholining reproduktiv salomatligini mustahkamlash chora-tadbirlari to‘g‘risida”gi PQ-296-sonli qarori ijrosini ta’minlash doirasida amalga oshirilayotgan ishlar yuzasidan deputat so‘rovi yuborildi.

So‘rovda tumanda homilador ayollar va yangi tug‘ilgan bolalar skriningi, shuningdek, reproduktiv yoshdagi aholida ekstragenital, tug‘ma va irsiy kasalliklarni profilaktikasi, diagnostikasi, davolash va reabilitatsiya ishlari holati bo‘yicha batafsil ma’lumot taqdim etilishi so‘ralgan.