MAHALLADA SAYYOR QABUL O‘TKAZILDI

Xalq deputatlari Paxtachi tumani Kengashi kotibiyati mudiri R. Magripova va tuman hokimi K.Xushbakovlar tomonidan aholi murojaatlarini o‘rganish, ularning muammolariga joyida yechim topish maqsadida mahallada navbatdagi sayyor qabul tashkil etildi. 

Sayyor qabul davomida fuqarolar tomonidan turli masalalarda murojaatlar bildirildi. Jumladan, ichimlik suvi ta’minoti, elektr energiyasi, yo‘llarni ta’mirlash, bandlikni ta’minlash hamda ijtimoiy yordam masalalari ko‘tarildi. Har bir murojaat mas’ullar tomonidan atroflicha o‘rganilib, ayrimlari joyida hal etildi, qolganlari esa tegishli tartibda nazoratga olindi.

Bunday sayyor qabullar kelgusida ham muntazam ravishda tashkil etilishi rejalashtirilgan bo‘lib, bu orqali fuqarolarning davlat organlariga bo‘lgan ishonchini yanada mustahkamlashga xizmat qiladi.