Xalq deputatlari Namangan shahar Kengashining doimiy komissiyasi yig‘ilishi o‘tkazildi.

Yevropa tiklanish va taraqqiyot banki ishtirokidagi “Namangan shahar jamoat transporti uchun elektrobuslar xarid qilish va ular bilan bevosita bog‘liq infratuzilmani yaratish” loyiha konsepsiyasi Xalq deputatlari shahar Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan ko‘rib chiqildi.

Mazkur loyiha shahar jamoat transporti tizimini modernizatsiya qilish, ekologik toza transport vositalarini joriy etish hamda aholi uchun qulay va xavfsiz transport xizmatlarini ta’minlashga qaratilgan.

Loyihaga ko‘ra, Namangan shahrida 105 dona elektrobus xarid qilinishi va ular uchun zarur infratuzilma yaratilishi rejalashtirilgan.