Xalq deputatlari Toshloq tuman Kengashi deputati A.Soliyev, tuman Kengashi kotibiyati bosh mutaxassisi Sh.Xo‘jamberdiyev va O‘zbekiston Xalq demokratik partiyasi Toshloq tuman tashkiloti raisi G.Raximovalar Piyozchilik mahalla fuqarolar yig‘inida mahalla yettiligi tomonidan aholining ijtimoiy ehtiyojmand toifalariga ko‘rsatilayotgan xizmatlarning sifati, aholi bandligini ta’minlash, xotin-qizlarni tadbirkorlik faoliyatiga keng jalb etish borasida amalga oshirilayotgan ishlarni atroflicha o‘rgandilar.

O‘rganishlar davomida O‘zbekiston Respublikasi Prezidentining 2023-yil 21-dekabrdagi “Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida”gi PF–209-son Farmoni ijrosini ta’minlash yuzasidan amalga oshirilayotgan ishlar tahlil qilindi.