Tumanimiz mahallalarida hududni obodonlashtirish, tomorqa yerlaridan samarali foydalanish hamda bahorgi ko‘chat ekish ishlarini keng yo‘lga qo‘yish maqsadida tizimli targ‘ibot ishlari olib borilmoqda.

Tuman Kengashi deputatlari va mahalla faollari tomonidan xonadonma-xonadon yurib, aholi bilan uchrashuvlar tashkil etilmoqda. Uchrashuvlar davomida fuqarolarga tomorqa yerlaridan unumli foydalanish, bahorgi mavsumda ko‘chat ekish ishlarini kengaytirish, xonadonlar atrofi va mahalla hududini obodonlashtirish hamda ko‘kalamzorlashtirish bo‘yicha tushuntirishlar berilmoqda.

Shuningdek, “Yashil makon” umummilliy loyihasi doirasida ko‘chat ekish ishlarini yanada faollashtirish, tomorqalardan samarali foydalanish orqali qo‘shimcha daromad manbalarini yaratish hamda hududning sanitariya holatini yaxshilash yuzasidan tavsiyalar berilmoqda.