Yig‘ilishda hududda “Yashil makon” umummilliy loyihasini amalga oshirish jarayonlari hamda ushbu yo‘nalishda olib borilayotgan ishlar ustidan qat’iy nazoratni davom ettirish masalalari muhokama qilindi.

Xususan, iqlim o‘zgarishining oldini olish, atmosfera havosini muhofaza qilish hamda hududlarni yanada ko‘kalamzorlashtirish borasida amalga oshirilayotgan ishlar yuzasidan ekologiya va atrof-muhitni muhofaza qilish sohasiga mas’ul rahbarlarning axborotlari eshitildi.

Shuningdek, yig‘ilish davomida suv xo‘jaligi obyektlaridan samarali foydalanish, suv resurslari bilan ta’minlashdagi mavjud muammolarni o‘rganish natijalari ham atroflicha muhokama qilindi.