Xalq deputatlari Gʻallaorol tuman Kengashi deputati, tuman hokimi J.Oqboyev o‘z saylovchilari bilan uchrashdi. 

Mirzabuloq mahallasida bo‘lib o‘tgan uchrashuvda J.Oqboyev 2025-yilda ushbu mahallada amalga oshirilgan ishlar, joriy yilda aholining ijtimoiy - iqtisodiy darajasini oshirishga qaratilgan dasturlar haqida atroflicha hisobot berdi. Jumladan keyingi yillarda hududda ichki yo‘llarni yaxshilash, ichimlik suvi, sifatli elektr energiyasi bilan ta’minlash, aholining bandligini ta’minlash, qishloq xo‘jaligi, sanoat, xizmat ko‘rsatish sohalarini rivojlantirish bo‘yicha ko‘zda tutilgan loyihalar haqida batafsil axborot berdi. Shundan so‘ng aholining murojaatlari tinglandi. Murojaatlar tegishliligi bo‘yicha mas'ullarga yo‘naltirilib, nazoratga olindi.