Xalq deputatlari Bekobod shahar kengashi deputati T.Niyazov hamkorlikda “Mustaqillik” mahallasida joylashgan 17-sonli umumta’lim maktabida “Uch avlod uchrashuvi” tamoyili ostida “Jaholatga qarshi ma’rifat” mavzusida ma’naviy-ma’rifiy tadbirni tashkil etdi. Mazkur tadbirda jamiyatimizda ma’rifatni yuksaltirish, yosh avlodni milliy va
umuminsoniy qadriyatlar ruhida tarbiyalash, ekstremizm va jaholatga qarshi ma’naviy immunitetni shakllantirish masalalariga alohida e’tibor qaratildi. Tadbirda RMMM Bekobod shahar bo‘linmasi rahbari F.Azimov va “Buvijonlar maktabi” shahar kengashi raisi K.Yuldasheva hamda uch avlod vakillari faol ishtirok etdilar. Uchrashuv davomida ma’rifat, ilm-fan, kitobxonlik va tarbiyaning ahamiyati, yoshlarni turli salbiy g‘oyalardan asrashda oila, mahalla va ta’lim muassasalarining o‘rni haqida mazmunli fikrlar bildirildi. Shuningdek, hayotiy tajribalar, ibratli voqealar orqali yoshlarga to‘g‘ri yo‘l-yo‘riq va ma’naviy saboqlar berildi.