Bugun O‘zLiDePdan saylangan Xalq deputatlari Amudaryo tuman Kengashi deputatlari U. Abduraxmanov, M. Kazakov, O‘zbekiston Ekologik partiyasi tuman Kengashi raisi M. Sa’dullayev, Mahalla raisi Sh.Sultonov hamda tuman Kengashi kotibiyati xodimlari 7-“Arnabo‘yi” saylov okrugida joylashgan “Arnabo‘yi” mahalla fuqarolar yig‘inida bo‘lib, navbatdagi deputatlik nazoratini amalga oshirdilar.

O‘rganishlar davomida xalq vakillari hududda yangidan qurilib, foydalanishga topshirilgan 57-sonli davlat maktabgacha ta’lim tashkilotida bo‘lib, tarbiyalanuvchilar va pedagoglar uchun yaratilgan sharoitlar bilan yaqindan tanishdilar.

Tashrif davomida muassasa jamoasi va mahalla faollarining mavjud muammolari hamda takliflari atroflicha tinglandi va atroflicha o‘rganildi. Deputatlar tomonidan bolalarga sifatli ta’lim-tarbiya berish, infratuzilmani yanada yaxshilash va bildirilgan takliflarni amalga oshirish yuzasidan tegishli tavsiya hamda chora-tadbirlar belgilab olindi.