Xalq deputatlari Qo‘qon shahar Kengashining 18-“Navro‘z” saylov okrugidan saylangan deputati R.Talipdjanov tomonidan “Toshkentlik go‘zari” mahalla fuqarolar yig‘inida o‘rganish ishlari olib borildi.

O‘rganish davomida mahallaning Toshkentlik go‘zari ko‘chasidagi 47-uyda istiqomat qiluvchi fuqaro L.Mashrabova xonadoniga tashrif buyurilib, uning yashash sharoiti, oilaviy holati va mavjud ehtiyojlari bilan yaqindan tanishildi.

Muloqot davomida fuqaro uy-joyini ta’mirlashda ko‘maklashish hamda daromad manbaini kengaytirish maqsadida yo‘lga qo‘ygan parrandachilik faoliyatini rivojlantirish yuzasidan murojaat bildirdi. Xususan, parrandalarni ko‘paytirish va yetishtirish ishlarini kengaytirish uchun zarur bo‘lgan inkubator moslamasini xarid qilishda yordam berish masalasi ko‘tarildi.

Mazkur murojaat yuzasidan fuqaroning ehtiyojlarini inobatga olgan holda, uy-joyni ta’mirlash va tadbirkorlik faoliyatini rivojlantirishga ko‘maklashish imkoniyatlarini tegishli tartibda ko‘rib chiqish masalalari muhokama qilindi.

Ko‘tarilgan masalalarni hal etishga ko‘maklashish maqsadida tegishli tashkilotga deputatlik so‘rovi yuborish hamda murojaat ijrosini deputat tomonidan nazoratga olish yuzasidan kelishib olindi.

Xalq deputatlari Qo‘qon shahar Kengashi