O‘rganish davomida mahalladagi elektr tarmoqlarining texnik holatiga alohida e’tibor qaratildi. Xususan, yaroqsiz holatga kelgan 6 dona sim yog‘och ustunni zamonaviy temir-beton ustunlarga almashtirish bo‘yicha ishlar olib borilayotgani aniqlandi.
Mazkur ustunlarni yangilash maqsadida 6 dona temir-beton ustun mahallaga olib kelingan bo‘lib, ularni o‘rnatish orqali elektr tarmog‘ining texnik holatini yaxshilash va aholiga elektr energiyasi yetkazib berish barqarorligini ta’minlash ko‘zda tutilgan.
Deputatlik nazorati doirasidagi o‘rganishlar davomida mavjud kamchiliklarni bartaraf etish, ishlarning sifatli va o‘z vaqtida bajarilishini ta’minlash yuzasidan tegishli mas’ullarga zarur tavsiyalar berildi.
Aholi manfaatlarini ta’minlash, hududlarda infratuzilmani yaxshilash va muammolarni joyida hal etish — deputatlik nazoratining muhim yo‘nalishlaridan biridir.