Xalq deputatlari Shovot tumani Kengashi kotibiyati mudiri, 24-Gulshan saylov okrugi deputati Masharipov Izzat Masharipovich hamda 23-Ijtimoiyat saylov okrugi deputati Qo‘shnazarov Dilmurod Dilshod o‘g‘li o‘z saylov okruglarida joylashgan madaniyat markazlari faoliyati bilan tanishdi.
Tashrif davomida madaniyat markazlarida faoliyat yuritayotgan to‘garaklar, ularning ish samaradorligi, qamrov darajasi hamda aholining madaniyat markazi xizmatlaridan foydalanish holati ko‘zdan kechirildi.
Shuningdek, markazlarda tashkil etilgan kutubxonalar faoliyati ham o‘rganildi.
Chekka qishloqlarda kitobxonlikni sevuvchi, san’at va ijodga qiziqadigan yoshlarning ko‘pligi deputatlarda iliq taassurot qoldirdi. Ular bunday maskanlar yoshlarning bo‘sh vaqtini mazmunli tashkil etish, ma’naviy-ma’rifiy salohiyatini yuksaltirishda muhim o‘rin tutishini alohida ta’kidladilar.