Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat B.Kamalov tomonidan 11-sonli oilaviy poliklinikaning “Barraj” mahallasida joylashgan filialida tibbiy xizmat sifati bo‘yicha o‘rganish o‘tkazildi.

O‘rganish jarayonida poliklinika filialining kundalik faoliyati, aholini qabul qilish tartibi, navbatlarni tashkil etish, shifokorlar va o‘rta tibbiyot xodimlarining xizmat ko‘rsatish sifati, diagnostika va davolash jarayonlari, dori vositalari bilan ta’minlanganlik hamda tibbiy asbob-uskunalardan foydalanish holati atroflicha ko‘zdan kechirildi.

Deputat tibbiyot muassasasi rahbariyati va tibbiyot xodimlari bilan suhbatlashib, aholiga sifatli, tezkor va samarali tibbiy xizmat ko‘rsatish bo‘yicha amalga oshirilayotgan ishlar bilan tanishdi. Shuningdek, profilaktik tibbiy ko‘riklarni o‘z vaqtida tashkil etish, surunkali kasalliklarga chalingan bemorlarni muntazam nazorat qilish, onalar va bolalar salomatligini muhofaza qilish, keksalar hamda nogironligi bo‘lgan shaxslarga tibbiy xizmat ko‘rsatish sifati yuzasidan fikr almashildi.