Bulung‘ur tumanidagi ayrim mahallalar chegaralariga o‘zgartirish kiritilmoqda.

📌Samarqand viloyatining Bulung‘ur tumanida joylashgan “Bog‘bon” va “Beshqo‘ton” mahalla fuqarolar yig‘inlari hududiy chegaralarini qayta belgilash masalasi muhokama qilinmoqda.

✅Mazkur tashabbus hududlarning amaldagi chegaralarini aniqlashtirish, mahallalar faoliyatini yanada samarali tashkil etish, aholi uchun ko‘rsatilayotgan xizmatlar sifatini oshirish hamda hududlarni boshqarish tizimini takomillashtirish maqsadida ishlab chiqilgan.

🌀Ayni paytda ushbu masala yuzasidan tegishli taklif va xulosalar o‘rganilib, Samarqand viloyati hududidagi ma’muriy-hududiy birliklar chegaralariga o‘zgartirish kiritish bo‘yicha tayyorlangan qaror loyihasini Xalq deputatlari Samarqand viloyati Kengashining navbatdagi sessiyasi kun tartibiga kiritish yuzasidan zarur ishlar amalga oshirilmoqda.

➡️Mazkur qaror loyihasi jamoatchilik muhokamasi uchun Normativ-huquqiy hujjatlar loyihalari muhokamasi portaliga joylashtirilgan bo‘lib, fuqarolar va mutaxassislar tomonidan bildirilayotgan taklif hamda mulohazalar belgilangan tartibda ko‘rib chiqilmoqda.

✍️ Eslatib o‘tamiz, qaror loyihasi bilan Normativ-huquqiy hujjatlar loyihalari muhokamasi portalida (regulation.gov.uz) tanishishingiz mumkin.