Xalq deputatlari Jondor tumani Kengashiga 19-Xumin saylov okrugidan saylangan deputat N. Fatullayeva o‘z saylov okrugida jinoyatchilikka qarshi kurashish, huquqbuzarliklarning oldini olish hamda kriminogen vaziyatni barqaror saqlash borasida amalga oshirilayotgan ishlar yuzasidan tahliliy o‘rganish olib bordi.
📌Tahlil davomida hududda sodir etilgan jinoyatlar, ularning kelib chiqish sabablari va shart-sharoitlari, profilaktik tadbirlarning samaradorligi hamda huquqni muhofaza qiluvchi organlar, mahalla fuqarolar yig‘inlari va mutasaddi tashkilotlar hamkorligida olib borilayotgan ishlar muhokama qilindi.
📌Deputat tomonidan jinoyatchilikning oldini olishda aholi, ayniqsa yoshlar va xotin-qizlar bilan manzilli ishlashni kuchaytirish, ijtimoiy muammolarni o‘z vaqtida bartaraf etish hamda profilaktik chora-tadbirlarni izchil davom ettirish yuzasidan tegishli tavsiya va takliflar bildirildi.
📌Ta’kidlanganidek, hududlarda tinchlik va osoyishtalikni ta’minlash, fuqarolarning huquq hamda manfaatlarini ishonchli himoya qilishda deputatlik nazoratini kuchaytirish va barcha mas’ul idoralar bilan yaqin hamkorlikni yo‘lga qo‘yish muhim ahamiyat kasb etadi.