🏛 Deputatlik faoliyatining ustuvor yo‘nalishlari bo‘yicha mahallada o‘rganish o‘tkazildi

🏛 Xalq deputatlari Sherobod tumani Kengashining 19-Sherobod saylov okrugi deputati A. Choriyev hamda Kengash kotibiyati bosh mutaxassisi S. Safarov tomonidan "Oltinvoha" mahallasida deputatlik faoliyatining ustuvor 24 yo‘nalishi doirasida o‘rganish ishlari amalga oshirildi.

🤝 O‘rganish davomida mahalla yettiligi bilan uchrashuv o‘tkazilib, hududdagi ijtimoiy-iqtisodiy holat, mavjud muammolar va aholini qiynayotgan dolzarb masalalar yuzasidan fikr almashildi.

📝 Shuningdek, fuqarolar tomonidan bildirilgan murojaat va takliflar tinglanib, ularni qonunchilik doirasida hal etish yuzasidan tegishli tavsiyalar berildi hamda mas'ul tashkilotlar bilan hamkorlikda amalga oshirilishi lozim bo‘lgan vazifalar belgilab olindi.

📍 Bunday o‘rganishlar mahallalarda mavjud muammolarni o‘z vaqtida aniqlash, ularni tizimli hal etish hamda aholi bilan ochiq va samarali muloqotni yanada mustahkamlashga xizmat qiladi.

🇺🇿 Xalq manfaatlari yo‘lida amalga oshirilayotgan bunday uchrashuv va o‘rganish ishlari izchil davom ettiriladi.