Xalq deputatlari Termiz shahar Kengashi kotibiyati mudiri, deputat A.Ashurov hamda Kengash kotibiyati bosh mutaxassisi A.Temirovlar Kengashning 4-“Bo‘ston” saylov okrugi deputati G.Abramatova ishtirokida “Jayhun” mahallasida bo‘lib, hududiy faoliyatni nazoratdan o‘tkazdilar.

💬Mazkur nazorat-tahlil jarayoni Mahalliy Kengash deputatlari faoliyati uchun belgilangan “24 ta eng muhim yo‘nalish” mezonlari doirasida tashkil qilinib O‘zbekiston Respublikasi Prezidentining “Mahalla boshqaruvini samarali tashkil etishga oid qo‘shimcha chora-tadbirlar to‘g‘risida” 2026-yil 24-iyundagi PF–116-sonli Farmoni ijrosini ta’minlashga qaratilgan.

💬Mas’ullar mahalla faollari bilan uchrashib, PF-116-sonli Farmon doirasida mahalla boshqaruvini yangi bosqichga ko‘tarish, "mahalla yettiligi" a’zolarining hamkorligini kuchaytirish va aholi murojaatlari bilan ishlash tizimini tahlil qildilar.

💬Shundan so‘ng, deputatlar hudud aholisi bilan yuzma-yuz muloqot o‘tkazdilar. Aholi tomonidan ko‘tarilgan eng dolzarb muammolardan biri — elektr energiyasi ta’minotidagi uzilishlar va kuchlanishning (tokning) o‘ynashi (beqarorligi) bo‘ldi. Ayniqsa, yozning issiq kunlarida elektr tarmoqlaridagi bu nosozliklar fuqarolarning haqli e’tirozlariga sabab bo‘layotgani qayd etildi.

💬Aholi tomonidan bildirilgan mazkur masalalar deputat G.Abramatovaning shaxsiy murojaat daftariga qayd etildi.

💬Elektr ta’minotidagi muammolarni bartaraf etish, transformator punktlarini yuklamalarga moslashtirish hamda aholiga uzluksiz elektr energiyasi yetkazib berilishini ta’minlash maqsadida shahar elektr tarmoqlari korxonasi mutasaddilariga rasmiy deputatlik so‘rovlari yuborilishi belgilab olindi.

💬"Mahalla boshqaruvi bo‘yicha Prezident Farmoni ijrosining eng asosiy mezoni — xalqning roziligidir. Elektr energiyasidagi uzilishlar — bu shunchaki texnik muammo emas, bu aholining yashash sharoitiga ta’sir qiluvchi jiddiy masala. Har bir murojaat ortida inson manfaati turibdi, shu bois masalani qisqa muddatlarda hal etish bo‘yicha qat’iy talablarimizni qo‘yamiz," — deya ta'kidladi deputat.