Xalq deputatlari Chilonzor tuman Kengashining III-22-66-14-204-K/26-son qarori bilan tasdiqlangan “Chilonzor tumanida “Dolzarb 90 kun” loyihasini amalga tatbiq etish orqali yozgi ta’til davrida mahallalarda va umumta’lim maktablarida yoshlarning bo‘sh vaqtlarini mazmunli hamda samarali tashkil etish chora-tadbirlari to‘g‘risida”gi qarori ijrosini ta’minlash maqsadida tumanda belgilangan vazifalar izchil amalga oshirilmoqda.

Xususan, iyun–avgust oylarida mahallalarda ishsiz hamda mehnat bozoriga kirib kelayotgan yoshlarni kasb-hunar va tadbirkorlik faoliyatiga yo‘naltirish, ularning bandligini ta’minlash hamda amaliy ko‘nikmalarini rivojlantirishga qaratilgan “Yoshlar 1+1” dasturi doirasida tizimli ishlar olib borilmoqda.

Dasturga muvofiq, har bir tadbirkorga bir nafardan yosh biriktirilishi orqali yoshlarni amaliy faoliyatga jalb etish, ularning kasbiy salohiyatini oshirish va kelgusida barqaror bandligini ta’minlash yuzasidan belgilangan chora-tadbirlar bosqichma-bosqich amalga oshirilmoqda.