💼Qonun ijrosi va ijtimoiy taraqqiyot nazoratda: "Qaldirg'och" mahallasida yoshlar yetakchisi faoliyati tahlil qilindi!

🗣Bandixon tumanida aholining ijtimoiy himoyasini kuchaytirish, yoshlarni har tomonlama qo‘llab-quvvatlash hamda "mahalla yettiligi" faoliyatini tizimli tahlil qilish borasidagi deputatlik nazorati izchil davom ettirilmoqda.

📍Xalq deputatlari Bandixon tuman Kengashining 16-"Qaldirg'och" saylov okrugi deputati D.Qudratovga
biriktirilgan tuman Kengashi kotibiyati bosh mutaxassisi B.Qurbonov tomonidan "Qaldirg'och" mahallasida deputatlik nazorati doirasida navbatdagi o‘rganish ishlari olib borildi.

⏺Mazkur o‘rganish jarayonlari O‘zbekiston Respublikasi Oliy Majlisi Senati tomonidan belgilangan “Mahalliy Kengash deputati faoliyatining eng muhim 24 ta yo‘nalishi” mezonlari doirasida tashkil etildi.

💬O‘zbekiston Respublikasining 2016-yil 14-sentabrdagi O‘RQ-406-sonli “Yoshlarga oid davlat siyosati to‘g‘risida”gi Qonuni talablaridan kelib chiqib, quyidagilar ko‘rib chiqildi:

🟢Yoshlar bandligi: Mahalladagi ishsiz yoshlarning ro‘yxatlarini shakllantirish, ularni bo‘sh ish o‘rinlariga joylashtirish hamda tadbirkorlik tashabbuslarini qo‘llab-quvvatlash;

🟢Bo‘sh vaqtni mazmunli tashkil etish: Yoshlar o‘rtasida sport musobaqalari, intellektual o‘yinlar va to‘garaklar tashkil etish sifati;

🟢Muammolarga yechim: "Yoshlar daftari" orqali yoshlarning murojaatlarini o‘rganish va ularga manzilli yordam ko‘rsatish holati.

🫥O‘rganishlar yakunida mahalladagi yoshlar bilan ishlash samaradorligini yanada oshirish, "mahalla yettiligi" faollari hamkorligini kuchaytirish hamda aniqlangan ayrim kamchiliklarni bartaraf etish yuzasidan mas’ullarga tegishli tavsiya va ko‘rsatmalar berildi.