Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Ekologik partiyasidan saylangan deputat Y.Narbekov tomonidan tumanning “Aydarali” mahallasiga biriktirilgan xotin-qizlar faoli G.Suyerovaning mahallada xotin-qizlarni ijtimoiy qo‘llab-quvvatlash, ularning huquq va manfaatlarini himoya qilish, bandligini ta’minlash hamda oilalarda ijtimoiy-ma’naviy muhitni mustahkamlash borasida amalga oshirilayotgan ishlari o‘rganildi.

🔺O‘rganish jarayonida xotin-qizlar faoli tomonidan mahalladagi ehtiyojmand, ijtimoiy himoyaga muhtoj, kam ta’minlangan hamda muammoli oilalar bilan olib borilayotgan manzilli ishlar tahlil qilindi. Shuningdek, "Ayollar daftari"ga kiritilgan xotin-qizlarning muammolarini hal etish, ularni kasb-hunarga o‘qitish, ish bilan ta’minlash, tadbirkorlik faoliyatini yo‘lga qo‘yish uchun yaratilayotgan imkoniyatlar hamda imtiyozli kredit va subsidiyalardan foydalanish holati ko‘rib chiqildi.

🔺O‘rganish davomida xotin-qizlar bandligini oshirish, ijtimoiy xizmatlar qamrovini kengaytirish hamda manzilli ishlash tizimini takomillashtirish bo‘yicha tegishli tavsiyalar berildi.