Xalq deputatlari Buxoro viloyati Kengashi deputati M.Ochilov hamda Xalq deputatlari Jondor tumani Kengashi kotibiyati mudiri I.Xolov hamkorligida Jondor tumanidagi "Dalmunobod" mahallasi hududida joylashgan 21-oilaviy poliklinika faoliyati o‘rganildi.
🔹O‘rganish davomida aholiga birlamchi tibbiy-sanitariya xizmatlari o‘z vaqtida va sifatli ko‘rsatilayotgani, bemorlarni qabul qilish jarayonlari, shifokorlar faoliyati, dori-darmon ta’minoti hamda tibbiy muassasada bemorlar uchun yaratilgan shart-sharoitlar ko‘zdan kechirildi.
🔹Shuningdek, tibbiy xizmatlardan foydalanayotgan fuqarolar bilan muloqot qilinib, ularning taklif va murojaatlari tinglandi. Aniqlangan ayrim kamchiliklarni bartaraf etish, tibbiy xizmatlar sifatini yanada oshirish hamda aholi uchun qulay shart-sharoitlarni kengaytirish yuzasidan mas’ullarga tegishli tavsiya va topshiriqlar berildi.
🔹Ta’kidlanganidek, aholi salomatligini muhofaza qilish, sifatli va samarali tibbiy xizmat ko‘rsatish tizimini takomillashtirish ustidan jamoatchilik nazoratini kuchaytirish hamda bu boradagi muammolarni o‘z vaqtida bartaraf etishga qaratilgan o‘rganishlar izchil davom ettiriladi