Xalq deputatlari Oqoltin tumani Kengashi deputatlari Y.Jo'rayev va J.Mamadaliyev tomonidan tuman hokimligi vakili D.Mardiyev, tuman Kengashi kotibiyati mudiri N.Turdiyev hamda bosh mutaxassis D.Shakarboyev ishtirokida Bo'ston mahallasi hududida joylashgan 9-sonli umumiy o‘rta ta'lim maktabiga olib boruvchi piyodalar yo‘lakchasi mavjud emasligi yuzasidan uchrashuv davomida bildirilgan murojaat joyiga chiqib o‘rganildi.

O‘rganish jarayonida mazkur hududda piyodalar yo‘lakchasining mavjud emasligi aniqlandi. Ushbu holat o‘quvchilar va mahalla aholisi uchun noqulaylik tug‘dirayotgani inobatga olinib, muammoni bartaraf etish yuzasidan tegishli mutasaddi tashkilotlarga taklif va tavsiyalar berildi. Mazkur masala nazoratga olinib, piyodalar yo‘lakchasini barpo etish imkoniyatlari yuzasidan tegishli choralar ko‘rilishi belgilandi.