Xalq deputatlari Pastdarg‘om tuman Kengashi deputati G. Xoliqulova tomonidan Lolazor MFY hududida o‘rganish ishlari olib borildi.

O‘rganish davomida mahalladagi mavjud infratuzilma holati, aholi uchun yaratilgan sharoitlar hamda fuqarolarni qiynab kelayotgan muammolar yuzasidan suhbatlar o‘tkazildi.

Jumladan, mahallada toza ichimlik suvi ta’minoti bilan bog‘liq muammo mavjudligi aniqlandi.

Deputat tomonidan mazkur masalani bartaraf etish, aholining sifatli ichimlik suvi bilan ta’minlanishini yaxshilash yuzasidan tegishli mutasaddi tashkilotlar bilan hamkorlikda zarur choralarni ko‘rish masalasi nazoratga olindi.

Aholi murojaatlari va hududdagi muammolarni o‘rganish hamda ularning yechimiga ko‘maklashish deputatlik faoliyatining ustuvor yo‘nalishlaridan biri hisoblanadi.