Xalq deputatlari Pastdarg‘om tuman Kengashining navbatdagi sessiyasi kun tartibiga tumandagi ehtiyojmand oilalar xonadonlarini energiya tejamkor qilib ta’mirlash ishlariga qo‘shimcha mablag‘ ajratish masalasi kiritilgan.

Mazkur masalani puxta o‘rganish maqsadida deputatlar va Kengash kotibiyati mas’ullari mahallalarda bo‘lib, xonadonlarda olib borilayotgan qurilish-ta’mirlash ishlari holatini joyiga chiqib o‘rganmoqda.

Jumladan, Xalq deputatlari Pastdarg‘om tuman Kengashi kotibiyati hamda 4-saylov okrugi deputati D. To‘ychiyeva tomonidan Yangiqishloq MFYning Gulobod ko‘chasida istiqomat qiluvchi fuqaro Safarova Xadichaning xonadonida boshlangan qurilish-ta’mirlash ishlari ko‘zdan kechirildi.

O‘rganish davomida ishlarning sifati, energiya tejamkorlik talablari asosida olib borilishi hamda belgilangan muddatlarga rioya etilishi yuzasidan nazorat amalga oshirildi.