Xalq deputatlari Pastdarg‘om tuman Kengashi navbatdagi sessiyasi kun tartibiga kiritilgan mahallalar va ta’lim muassasalarida yoshlarning yozgi ta’tilini mazmunli va samarali tashkil etishga qaratilgan “Dolzarb 90 kun” amaliy tadbirlarining amalga oshirilish jarayoni o‘rganish maqsadida deputatlar joylarda monitoring olib bormoqda.

Deputat S. Nurmamatova tumandagi 56-sonli umumiy o‘rta ta’lim maktabida bo‘lib, yozgi ta’til davrida o‘quvchilar uchun tashkil etilgan mashg‘ulotlar, to‘garaklar, sport va ma’naviy-ma’rifiy tadbirlarning borishi bilan tanishdi.

Tashrif davomida yoshlarning bo‘sh vaqtini mazmunli tashkil etish, ularning qiziqish va iste’dodlarini rivojlantirishga qaratilgan ishlar, yaratilgan sharoitlar, tadbirlar samaradorligi yuzasidan fikr almashildi.

“Dolzarb 90 kun” dasturi doirasida amalga oshirilayotgan tadbirlar yoshlarning ta’til davrini foydali o‘tkazishi, kasb-hunar va ijodiy faoliyatga keng jalb etishga xizmat qilmoqda.