Xalq deputatlari Chilonzor tumani Kengashi deputati Mahmudova Donoxon Artikovna tomonidan 2026-yilning II choragi yakunlari yuzasidan saylovchilarga deputatlik faoliyati bo‘yicha axborot taqdim etildi.

Axborot davri davomida fuqarolar murojaatlari asosida amalga oshirilgan ishlar, deputat so‘rovlari natijalari hamda saylov okrugida olib borilgan amaliy chora-tadbirlar haqida batafsil ma’lumot berildi.

Xususan, fuqarolar murojaatlari asosida ichki yo‘llar holati o‘rganilib, tuman hokimligiga deputat so‘rovlari kiritildi. Natijada Charx Kamolon-2 mahallasidagi 17 va 18-uylar oralig‘idagi yo‘laklar hamda ularga tutash hududlar to‘liq asfaltlashtirildi. Shuningdek, Charx Kamolon-3 mahallasida ham asfalt qoplamasi yotqizilib, aholi uchun qulay va xavfsiz sharoitlar yaratildi.

Shuningdek, fuqarolar murojaati asosida Baynalminal ko‘chasida zamonaviy avtobus bekatini o‘rnatish bo‘yicha deputat so‘rovi yuborildi. Murojaat qisqa muddatda ko‘rib chiqilib, tegishli tashkilotlar tomonidan ko‘rsatilgan manzilda yangi avtobus bekati o‘rnatildi.

Axborot davrida sog‘lom turmush tarzini targ‘ib etish maqsadida sport tadbirlarida faol ishtirok etildi hamda aholi o‘rtasida jismoniy faollikni oshirishga qaratilgan tashabbuslar qo‘llab-quvvatlandi.

🚑Deputat tashabbusi bilan 2-Charx Kamolon va 3-Charx Kamolon mahallalarida bepul tibbiy ko‘rik tashkil etildi. Tadbir davomida fuqarolar malakali shifokorlar tomonidan tibbiy ko‘rikdan o‘tkazilib, ularga zarur tavsiyalar va tibbiy yo‘llanmalar berildi.

✔️Yoshlar murojaatlari asosida ularning bandligini ta’minlash hamda tadbirkorlik faoliyatini qo‘llab-quvvatlash bo‘yicha amaliy ishlar olib borildi. Natijada Ermakov Danil ishga joylashtirildi, Safarov Begzod Qodir o‘g‘lining bandligi ta’minlandi.

Shuningdek, Xalq deputatlari Chilonzor tumani Kengashining 2025-yil 7-noyabrdagi III-13-88-14-204-K/25-son qarori asosida Charx Kamolon-2 mahallasidagi 170 va 171-uylar oldi hududida asfalt qoplamasi yotqizildi. Mazkur loyiha uchun tuman hokimligi tomonidan 106 700,0 so‘m mablag‘ yo‘naltirildi. Natijada umumiy maydoni 970 kvadrat metr bo‘lgan hududda obodonlashtirish ishlari to‘liq yakunlandi.

2-chorak faoliyat davrida fuqarolar qabullari muntazam o‘tkazilib, aliment undirish hamda ijtimoiy himoyaga muhtoj fuqarolar tomonidan bildirilgan murojaatlar atroflicha o‘rganildi. Ular yuzasidan tegishli tashkilotlar bilan hamkorlikda zarur amaliy va huquqiy choralar ko‘rildi.

✅ Deputatlik faoliyatining asosiy maqsadi — saylovchilar manfaatlarini himoya qilish, fuqarolar murojaatlariga o‘z vaqtida yechim topish hamda hududni yanada obod va farovon etishga qaratilgan ishlarni izchil davom ettirishdan iborat.