Xalq deputatlari Taxiatosh tumani Kengashi kotibiyati mudiri, Oʻzbekiston Ekologik partiyasidan saylangan deputat Matniyazov Akbar Qadirovich hamda “Yangi makon” OFY ijtimoiy xodimi N.Allashukurov o‘rganishlarning navbatdagi manzilida “Tashrez” ovulida istiqomat qiluvchi, kambag‘allik reyestriga kiritilgan fuqaro X.Annaev xonadonida bo‘ldi.

🏡 O‘rganish davomida fuqaroga “Saxovat va ko‘mak” jamg‘armasi hisobidan bir martalik moddiy yordam ajratilgani hamda bolalar nafaqasi o‘z vaqtida to‘lanayotgani qayd etildi.

🤝 Shuningdek, mahalla raisi X.Xalillayev va ijtimoiy xodim N.Allashukurov tomonidan oilani kambag‘allikdan chiqarish maqsadida davlat tomonidan ajratiladigan ssuda hisobidan motokultivator xarid qilish taklifi bildirildi. Mazkur tashabbus fuqaro tomonidan qo‘llab-quvvatlandi.

🌱 Bunday amaliy yondashuv ehtiyojmand oilalarni qo‘llab-quvvatlash, ularning daromad manbaini yaratish va kambag‘allikni qisqartirishga xizmat qiladi.