O‘zbekiston Respublikasi Prezidentining 2026-yil 5-fevraldagi “2026-yilda hududlarni yangicha yondashuvlar asosida rivojlantirish orqali aholi daromadlarini oshirish, barqaror ish o‘rinlari yaratish hamda kambag‘allikni qisqartirish chora-tadbirlari to‘g‘risida”gi 49-sonli qarori hamda Xalq deputatlari Toshkent viloyati Kengashining 2026-yil 12-maydagi VII-33-56-10-0-K/26-sonli qarori ijrosi doirasida Parkent tumanining “Nevich” mahalla fuqarolar yig‘inida og‘ir toifadagi mahallalarni kompleks rivojlantirish bo‘yicha manzilli dastur asosida qator qurilish va ta’mirlash ishlari amalga oshirilmoqda.Mazkur dastur doirasida elektr uzatish tarmoqlaridagi simyog‘ochlarni beton tayanch ustunlarga almashtirish, ichki irrigatsiya tarmoqlarini betonlash, mavjud nasos stansiyasini ta’mirlash, quyosh panellarini o‘rnatish,ichki ko‘chalarni asfaltlashtirish hamda piyodalar yo‘laklarini barpo etish kabi muhim infratuzilma loyihalari belgilangan.Manzilli dastur ijrosi, qurilish-ta’mirlash ishlarining borishi hamda ajratilgan mablag‘lardan maqsadli va samarali foydalanilishi yuzasidan deputatlik nazoratini amalga oshirish maqsadida Xalq deputatlari Parkent tumani Kengashi deputati Xusnora Yoqubova hamda Xalq deputatlari Toshkent viloyati Kengashi deputati Muhsiddin Nizomiddinov tomonidan hududga chiqilib, bugungi kunga qadar bajarilgan ishlar joyida ko‘zdan kechirildi.O‘rganish davomida manzilli dasturda belgilangan tadbirlarning ijro holati, bajarilayotgan ishlarning sifati va belgilangan muddatlarga rioya
etilishi atroflicha muhokama qilindi. Shuningdek, aniqlangan masalalar yuzasidan mas’ullarga tegishli tavsiya va takliflar berildi.Yakunda mazkur manzilli dastur doirasidagi barcha ishlarning o‘z vaqtida, sifatli amalga oshirilishi hamda ajratilgan mablag‘lardan maqsadli foydalanilishi ustidan deputatlik nazorati izchil davom ettirilishi ta’kidlandi.