Xalıq deputatları Bozataw rayonlıq Keńesi 2-sanlı "Erik baǵ" saylaw okruginen saylanǵan deputat, Bozataw rayonı hákimi B.Ubbiniyazov tárepinen saylawshılar menen ótkerilgen ushırasıwlar dawamında kelip túsken múrájatlar tiykarında "Aymaqlıq elektr tarmaqları" AJ Qaraqalpaqstan aymaqlıq filialı Bozataw rayonı elektr támiynatı baslıǵı M.Otarbaevqa deputatlıq sorawı jiberildi.
Úyreniwler barısında Bozataw PPJ aymaǵındaǵı "Ibrayım Yusupov" hám "Jayhun" kósheleri kesilispesinde jaylasqan transformator obekti qáwipsizlik talaplarına tolıq juwap bermeytuǵını, qorǵaw qorǵawınıń joq ekenligi hám obekttiń abadanlastırıw jumıslarına mútáj ekenligi anıqlandı.
Usıǵan baylanıslı deputat sorawında anıqlanǵan kemshiliklerdi qısqa múddet ishinde saplastırıw, transformator obektin qáwipsizlik talaplarına beyimlestiriw hám ámelge asırılǵan jumıslar haqqında foto materiallar menen birge jazba maǵlıwmat usınıw soraldı.
Bul deputatlıq soraw "Xalıq deputatları wálayatlıq, rayonlıq hám qalalıq Keńesi deputatınıń statusı haqqında"ǵı Nızam talaplarına muwapıq jiberilip, belgilengen múddet ishinde tiyisli juwap beriliwi qadaǵalawǵa alındı.