Mahallalar uyushmasida qonun ijrosi va hamkorlik masalalari o‘rganildi

Xalq deputatlari Qiziriq tumani Kengashi kotibiyati bosh mutaxassisi A.Mamarajabov o‘ziga biriktirilgan deputat D.Xoliqovaga biriktirilgan tashkilot — O‘zbekiston mahallalar uyushmasi Qiziriq tumani bo‘limida bo‘ldi.

Tashrif davomida deputatga biriktirilgan tashkilot bilan ishlash yo‘nalishi doirasida hamkorlikdagi ishlarni yanada samarali tashkil etish, jamoatchilik nazoratini kuchaytirish, nazorat-tahlil tadbirlarini tizimli ravishda o‘tkazish, soha faoliyatida mavjud muammolarni aniqlash va ularni bartaraf etish, shuningdek, amaldagi qonunchilikni takomillashtirishga oid takliflarni shakllantirish hamda tegishli tartibda taqdim etish masalalari yuzasidan mas’ul xodimlar bilan o‘zaro fikr almashildi.

Shuningdek, «Fuqarolarning o‘zini o‘zi boshqarish organlari to‘g‘risida»gi O‘zbekiston Respublikasi Qonuni (2013-yil 22-aprel, O‘RQ-350-son) ijrosi yuzasidan tayyorlangan savolnoma asosida o‘rganish o‘tkazildi. O‘rganish davomida qonun talablarining ijrosi, mahalla fuqarolar yig‘inlari faoliyatini samarali tashkil etish, mavjud muammolar hamda ularni bartaraf etish bo‘yicha amalga oshirilayotgan ishlar tahlil qilindi.

O‘rganish yakunida aniqlangan masalalar yuzasidan tegishli tavsiya va takliflar ishlab chiqildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram