Fuqarolar murojaatlari – xalq manfaatlarini ta'minlashning muhim omili

Xalq deputatlari Qo‘shko‘pir tumani Kengashi deputati, tuman hokimi Sh.Q. Axmedov tomonidan Polvon mahallasida navbatdagi sayyor qabul o‘tkazildi.
Sayyor qabulda huquqni muhofaza qiluvchi organlar hamda kommunal va xizmat ko‘rsatish tashkilotlari mutasaddilari ishtirok etib, fuqarolar tomonidan bildirilgan murojaat, taklif va muammolar atroflicha ko‘rib chiqildi.
Qabul davomida aholini qiynab kelayotgan masalalarga amaldagi qonunchilik asosida huquqiy tushuntirishlar berildi, tezkor hal etilishi mumkin bo‘lgan murojaatlar joyida ijobiy yechim topdi. Qo‘shimcha o‘rganish talab etadigan masalalar esa mas'ul tashkilotlarga biriktirilib, ularning ijrosi deputatlik va hokimlik nazoratiga olindi.
Bunday sayyor qabullar davlat organlarining xalq bilan ochiq muloqotini ta'minlash, fuqarolarning muammo va takliflarini o‘z vaqtida hal etish hamda "Inson qadri uchun" tamoyilini amalda ro‘yobga chiqarishda muhim ahamiyat kasb etmoqda.