O‘rganish jarayonida probatsiya nazoratida turgan fuqarolar bilan profilaktik va tarbiyaviy ishlarni tashkil etish, ularning ijtimoiy moslashuvini ta’minlash, bandligini oshirish, kasb-hunarga yo‘naltirish hamda takroriy huquqbuzarlik va jinoyatchilikning oldini olish yuzasidan amalga oshirilayotgan chora-tadbirlar tahlil qilindi.

Shuningdek, probatsiya nazoratini amalga oshirishda qonunchilikda belgilangan insonparvarlik va qonun ustuvorligi tamoyillariga rioya etilishi, fuqarolarning huquqlari, erkinliklari hamda qonuniy manfaatlarini ta’minlash masalalariga alohida e’tibor qaratildi.

Ta’kidlanganidek, probatsiya nazorati fuqarolarning sha’ni va qadr-qimmatini hurmat qilgan holda amalga oshirilishi, nazorat ostidagi shaxslarga nisbatan qo‘llaniladigan huquqiy ta’sir choralari ularning huquq va erkinliklarini kamsitishga yoki inson qadr-qimmatini tahqirlashga sabab bo‘lmasligi lozim.

O‘rganish yakunlari yuzasidan mutasaddi tashkilotlarga probatsiya nazoratidagi fuqarolarni ijtimoiy qo‘llab-quvvatlash, ularning bandligini ta’minlash, huquqiy madaniyatini yuksaltirish hamda jamiyatga to‘laqonli moslashishiga ko‘maklashish bo‘yicha tegishli tavsiya va takliflar bildirildi.