#qonun_19_1_modda
#doimiy_komissiya
#deputatlik_nazorati
#tavsiyalar
#ekspert_guruhi
#162_qonun

17-sonli davlat maktabgacha ta’lim tashkilotida ovqatlantirish sifati o‘rganildi

Xalq deputatlari Kogon shahar Kengashi raisi A. Yangiyev, deputatlar Sh. Isamutdinov hamda A. Ergashev, shuningdek, Xalq deputatlari Buxoro viloyati Kengashi deputati F. Aminov tomonidan Kogon shahridagi 17-sonli davlat maktabgacha ta’lim tashkilotida tarbiyalanuvchilarni ovqatlantirish jarayoni o‘rganildi.

O‘rganish davomida muassasaga yetkazib berilgan oziq-ovqat mahsulotlarini saqlash sharoitlari, ularning sifati va sanitariya talablariga muvofiqligi, shuningdek, kunlik taomnoma asosida tayyorlanayotgan ovqatlarning pishirilish jarayoni hamda oshxona faoliyati ko‘zdan kechirildi.

Mas’ullar tomonidan maktabgacha ta’lim tashkilotlarida bolalarni sifatli va xavfsiz oziq-ovqat mahsulotlari bilan ta’minlash, ularning sog‘lom ovqatlanishini tashkil etish eng ustuvor vazifalardan biri ekani yana bir bor alohida ta’kidlandi. Shu bilan birga, ovqatlantirish jarayonida sanitariya-gigiyena talablari va belgilangan me’yorlarga qat’iy rioya etilishi yuzasidan tegishli tavsiyalar berildi.

Xalq deputatlari
Kogon shahar Kengashi
axborot xizmati

Telegram . Instagram . Facebook . Youtube . E-kengash