Tadbirkor murojaati o‘rganildi

Xalq deputatlari Navoiy shahar Kengashi kotibiyati mudiri Jo‘rabek Hafizov hamda Xalq deputatlari Navoiy shahar Kengashi kotibiyatining bosh mutaxassislari tomonidan Mustaqillik mahallasida istiqomat qiluvchi tadbirkorning murojaati joyiga chiqqan holda o‘rganildi.

O‘rganish jarayonida tadbirkor tomonidan bildirilgan murojaatning mazmuni, unda ko‘tarilgan masalalar hamda ularni hal etish yo‘llari batafsil ko‘rib chiqildi.
Suhbat davomida tadbirkorlik faoliyatini rivojlantirish, tadbirkorlarning huquq va qonuniy manfaatlarini himoya qilish, mavjud muammolarni o‘z vaqtida bartaraf etish hamda ishbilarmonlik muhitini yanada yaxshilash masalalariga alohida e’tibor qaratildi.

O‘rganish yakunlari bo‘yicha aniqlangan masalalarni qonunchilik talablari asosida hal etish, tegishli tashkilotlar bilan hamkorlikni yo‘lga qo‘yish hamda tadbirkorga amaliy ko‘mak ko‘rsatish yuzasidan tegishli chora-tadbirlar belgilandi.

Mazkur o‘rganishlar fuqarolar va tadbirkorlik subyektlarining murojaatlarini samarali ko‘rib chiqish, ularning huquq va qonuniy manfaatlarini ta’minlash hamda hududda tadbirkorlik faoliyatini rivojlantirishga xizmat qiladi.