#deputatlar_nazorati #poytaxtdeputatlari #deputatlik_faoliyati #Sessiya_oldi_organish #Namunaviy_komissiya_qarorlari

❗️ Olmazor tumani Markaziy ko‘p tarmoqli poliklinikasi faoliyati deputatlar tomonidan o‘rganildi

🏛 Xalq deputatlari Toshkent shahar Kengashining Fan, ta’lim va sog‘liqni saqlash masalalari bo‘yicha doimiy komissiyasi a’zolari hamda Toshkent shahar va Olmazor Kengashi deputatlari tomonidan namunaviy doimiy komissiya qarorlarida belgilangan vazifalar ijrosi yuzasidan hududlarda tizimli o‘rganishlar olib borilmoqda. Mazkur o‘rganishlar "Fuqarolar sog‘lig‘ini saqlash to‘g‘risida"gi Qonun, sog‘liqni saqlash tizimini rivojlantirishga qaratilgan Prezidentimizning tegishli farmon va qarorlari hamda Xalq deputatlari Toshkent shahar Kengashining 2026-yil 17-martdagi VII-20-26-14-0-K/26-son qarori ijrosi doirasida tashkil etilgan bo‘lib, sessiya kun tartibiga kiritilgan masalalar deputatlar tomonidan o‘z saylov okruglarida tegishli tashkilotlar vakillari ishtirokida joyiga chiqib o‘rganilmoqda.

🏥 Dastlab deputatlar Olmazor tumani tibbiyot birlashmasi Markaziy ko‘p tarmoqli poliklinikasiga tashrif buyurib, muassasa faoliyati bilan yaqindan tanishdilar. Poliklinika bosh shifokori tomonidan deputatlarga tibbiyot muassasasida bemorlar uchun yaratilgan zamonaviy shart-sharoitlar, tibbiy xizmatlarni tashkil etish mexanizmi, zamonaviy diagnostika va davolash uskunalari, laboratoriya hamda instrumental diagnostika xizmatlari, kunduzgi statsionar faoliyati, elektron boshqaruv tizimlari va raqamli texnologiyalarni amaliyotga joriy etish ishlari yuzasidan batafsil ma’lumot berildi. Shuningdek, tor mutaxassislar tomonidan ko‘rsatilayotgan tibbiy xizmatlar, profilaktik ko‘riklar, skrining tadbirlari hamda oilaviy poliklinikalardan yuborilgan bemorlarni chuqurlashtirilgan tekshiruv va davolash tizimi bilan tanishtirildi.

📊 Ta’kidlanganidek, Olmazor tumanida 11 ta birlamchi tibbiyot muassasasi faoliyat yuritib, ular orqali 400 ming nafardan ortiq aholi birlamchi tibbiy xizmat bilan qamrab olingan. Markaziy ko‘p tarmoqli poliklinika esa mazkur tizimning ixtisoslashtirilgan bo‘g‘ini sifatida oilaviy poliklinikalardan yuborilgan bemorlarga malakali tor mutaxassislik xizmatlarini ko‘rsatmoqda. Muassasada elektron navbat tizimi, elektron tibbiy karta, tibbiy menejer instituti, bemorlar oqimini boshqarish (patient routing) tizimi hamda keksa va imkoniyati cheklangan fuqarolar uchun alohida xizmat ko‘rsatish mexanizmlari joriy etilgani deputatlar tomonidan alohida e’tirof etildi.

🤝 O‘rganish davomida deputatlar fuqarolar bilan bevosita muloqot o‘tkazib, ularga yaratilgan sharoitlar, tibbiy xizmat sifati, shifokorlar qabuli, diagnostika xizmatlari hamda mavjud muammolar yuzasidan fikr va takliflarini tingladilar. Shu bilan birga, deputatlar va mutasaddilar ishtirokida tizimni yanada takomillashtirish, moddiy-texnik bazani mustahkamlash, tibbiy xizmatlar sifatini oshirish hamda aholi uchun yanada qulay sharoitlar yaratish bo‘yicha qator takliflar bildirildi.

⚖️ O‘rganish jarayonida aniqlangan kamchiliklarni bartaraf etishda deputatlar o‘z vakolatlari doirasida amaliy ko‘mak ko‘rsatish, zarur masalalarni Xalq deputatlari Toshkent shahar Kengashi sessiyasi muhokamasiga kiritish hamda ularni qonunchilik doirasida hal etish bo‘yicha hamkorlik qilishga kelishib oldilar. Jumladan, elektr energiyasi ta’minotidagi uzilishlar vaqtida tibbiy xizmatlarning uzluksizligini ta’minlash maqsadida poliklinikani zaxira elektr generatorlari bilan ta’minlash masalasi dolzarb taklif sifatida ilgari surildi va uni tegishli mutasaddi tashkilotlar bilan birgalikda hal etish zarurligi qayd etildi.

🔎 Xalq deputatlari Toshkent shahar Kengashi deputatlari tomonidan sog‘liqni saqlash muassasalarida olib borilayotgan o‘rganish ishlari izchil davom ettirilmoqda.

📱 Telegram 📱 Instagram 📱 Facebook 📱 YouTube 🔎 E-kengash