Xalq deputatlari Tuproqqal’a tuman Kengashi deputati Z.Arazova hamda Kengash kotibiyati mutaxassisi A.Komilov ishtirokida Hazorasp mahallasi yoshlar yetakchisi tomonidan "Yoshlarga oid davlat siyosati to‘g‘risida"gi Qonun ijrosi yuzasidan amalga oshirilayotgan ishlar samaradorligi o‘rganildi.

📋 O‘rganish davomida mahallada yoshlarni qo‘llab-quvvatlash, ularning bandligini ta'minlash, bo‘sh vaqtini mazmunli tashkil etish, iqtidorli yoshlarni rag‘batlantirish hamda yoshlar muammolarini o‘z vaqtida aniqlash va hal etish borasida amalga oshirilayotgan ishlar bilan tanishildi.

🤝 Shuningdek, yoshlar yetakchisi bilan muloqot davomida qonun ijrosini yanada samarali tashkil etish, yoshlar bilan manzilli ishlash tizimini takomillashtirish hamda mavjud muammolarni bartaraf etish yuzasidan fikr almashildi.

✅ O‘rganish yakunida "Yoshlarga oid davlat siyosati to‘g‘risida"gi Qonun talablarining to‘liq va sifatli ijrosini ta'minlash bo‘yicha tegishli tavsiya va takliflar bildirildi.