🔹Xalq deputatlari Toyloq tumani Kengashi kotibiyati bosh mutaxassisi G.Rajabova hamda tuman Kengashiga 25-Yangi Toyloq saylov okrugidan saylangan deputat N.Aminova tomonidan saylov okrugi hududidagi "Charag‘bon" mahallasida keng qamrovli o‘rganish ishlari olib borildi.

🔹Kuzatuv davomida mahalladagi hokim yordamchisi hamda xotin-qizlar faoli tomonidan amalga oshirilgan ishlar, aholi farovonligini oshirish borasidagi natijalar tahlil qilindi.
E’tibor markazida bo‘lgan asosiy masalalar:

🔹 Aholini tadbirkorlikka jalb qilish, investitsiyalar va imtiyozli kreditlar orqali yangi ish o‘rinlari yaratish hamda kambag‘allikni qisqartirish borasidagi choralar;

🔹Xotin-qizlar faoli faoliyati: Mahalladagi xotin-qizlarni ijtimoiy qo‘llab-quvvatlash, ularning bandligini ta’minlash, oilaviy ajrimlarning oldini olish va xotin-qizlar o‘rtasida tadbirkorlikni rivojlantirish holati.
O‘rganishlar davomida erishilgan yutuqlar bilan birga, hududda yechimini kutayotgan muammolar ham muhokama qilindi. Mahalla faollarining ish samaradorligini yanada oshirish, aholi murojaatlari bilan tizimli ishlash yuzasidan aniq tavsiyalar berildi.