Халық депутатлары Кегейли районлық Кеңеси депутаты М.Шолтаева Өзбекстан Республикасы Президенти Ш.М.Мирзиёевтың 2022-жыл 25-октябрьдеги “2022-2023 жылларда мәҳәллелер инфраструктурасын жәнеде жақсылаў бойынша қосымша ис-илажлар ҳақкында”ғы 408-санлы қарарында округ аймағында белгиленген объектлердеги қурылыс-оңлаў жумысларының орынланыў барысы бойынша үйрениў жумысларын алып барды.

Қарар тийкарында райондағы “Қуяшлы” мәкан пуқаралар жыйыны аймағында 2,7 км ишки жолларды оңлаў ҳәм 2,74 км аралықта таза ишимлик суў тармақларын жалғаў жумысларын алып барыў белгиленген. Қурылыс-оңлаў жумыслары белгиленген график тийкарында алып барылмақта.

Депутат М.Шолтаева қурылыс бойынша үйрениў жумысларынан кейин аймақта пуқаралар менен ушырасыў өткерди. Сондай-ақ аймақтағы жәрдемге мүтәж шаңарақлардан хабар алып, олар менен сәўбетлесиўлер өткерди.