Солиқ тушуми масалалари долзарблиги иқтисодий сиёсатни амалга оширишда фискал ва рағбатлантирувчи вазифаларни ўзаро мутаносиблигини топишдан иборат. Одатда миллий иқтисодиётга солиқнинг тушумини умумлашган кўрсаткич солиқ даромадларини ёки умумлаштирилган бюджет даромадларини ЯИМ нисбати билан белгиланади. Солиқ тушумини умумлашган кўрсаткичи иқтисодиётга давлат аралашувининг фискал даражасини кўрсатади.Тадқиқотларни кўрсатишича, иқтисодий амалиётда кўп босқичли солиқ тушумларини баҳолаш зарур. Бунда солиқ тушумлари ҳисоб-китоби ҳам макро, ҳам микродаражада амалга оширилади. Солиқ тушумларини корхона, иқтисодиёт тармоқлари доирасида таҳлили шуни кўрсатмоқдаки, тўғри ва эгри солиқ ставкаларини пасайтириш ҳисобига солиқ тўлашгача бўлган даромад ва тоза дармад
ўрганилган корхоналарда ошган. Бу камайишларга қарамасдан солиқларнинг умумий тушуми (ижтимоий солиқларни қўшган ҳолда) нотекс тақсимланган, баъзи тармоқларда 70 фоизгача етди. Амалга оширилган таҳлил солиқ тушумларини алоҳида турлари тармоқлар ўртасида, тармоқлар ичида жуда нотекс тақсимланганини аниқлади. Бу солиққа солишни ҳаққоний асослари бузилганлигини кўрсатмоқда. Солиқ тушумлари ўртасидаги катта фарқ ҳар бир солиқни фискал ва рағбатлантирувчи механизмларини такомиллаштириш кераклигини кўрсатиб турибди. Булар қаторига солиқни белгилаш механизми,
ставка кўрсаткичлари, мақсадли қулайликлар киради. Келажакда мониторингни амалга ошириш учун корхоналарни танлаб олиш йўналишида ишларни давом эттириш лозим.