Yig‘ilishda doimiy komissiya a’zolari, tuman Kengashi deputatlari, tuman hokimining qurilish, kommunikasiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari, “Farg‘ona suv taʼminoti” MChJ Bag‘dod tuman bo‘limi boshlig‘i, tuman markazidagi mahalla fuqarolar yig‘ini raislari ishtirok etdi.

Yig‘ilishda O‘zbekiston Respublikasi Prezidentining 2022-yil 24-maydagi “Aholining ichimlik suv ta’minoti va oqova suv xizmatlari bilan ta’minlanganlik darajasini oshirish bo‘yicha qo‘shimcha chora-tadbirlar to‘g‘risida”gi PQ-257-sonli qarori ijrosini ta’minlash yuzasidan Bag‘dod tumanida amalga oshirilayotgan ishlar bo‘yicha “Farg‘ona suv taʼminoti” MChJ Bag‘dod tuman bo‘limi boshlig‘i Nuriddin Oqboyevning hisoboti tinglandi.

Tanqidiy ruhda o‘tgan yig‘ilishda ayni sohada fuqarolardan kelayotgan murojaatlar sonining ortganligi, sohada aholiga hizmat ko‘rsatish past darajada ekanligi hamda hizmat ko‘rsatish bo‘yicha yo‘l qo‘yilayotgan kamchiliklar muhokama qilindi.

Yig‘ilish yakunida doimiy komissiya qaror qabul qildi.