Xalq deputatlari viloyat Kengashi deputati Yoqubov Ibroxim Allanazarovich, Xalq deputatlari Sherobod tumani Kengashi kotibiyati mudiri Mirzayev Turg‘un Yo‘ldoshevich, tuman Kengashi deputatlari Tursunov Otabek Tojiyevich, Narmuratova Parvona Norboyevna, Botirov Axmatqul Yormatovich Sherobod tumanining “Xo‘jaqiya-1”, “Xo‘jaqiya-2”, “Boyqishloq”, “Cho‘yinchi”, “Qishloqbozor”, “Mehrobod”, “Sherobod”, Kattabog‘, “Nurtepa” mahalla fuqarolar yig‘inlaridagi saylovchilari bilan uchrashdi.

Muloqot davomida saylovchilarga mamlakatimizda amalga oshirilayotgan islohotlar, qabul qilingan farmon va qarorlar ijrosi borasida qilinayotgan ishlar xususida tushuntirish ishlarini olib bordi.

Uchrashuv so‘nggida saylovchilarni qiynab kelayotgan muammo va takliflar tinglandi. Ular tomonidan bildirilgan murojaatlarni qonun doirasida tegishli tashkilotlar bilan o‘rganib chiqishga va nazoratga olishga kelishib olindi.