“Deputat mahallada” loyihasi doirasida ibratli maktab namoyishi

    Joriy yilning 5-fevral kuni Sho‘rchi tumani “Baxshtepa” mahallasi hududida joylashgan 17-sonli umumta’lim maktabida O‘zbekiston Xalq demokratik partiyasidan saylangan Xalq deputatlari Sho‘rchi tuman Kengashi deputati O‘rol Cho‘tboyev
tashabbusi bilan uch avlod vakillari ishtirokida “Uch avlod uchrashuvi” tadbiri tashkil etildi.   

    Tadbir davomida so‘zga chiqqanlar bunday ma’naviy-ma’rifiy uchrashuvlar yurtimizda go‘zal an’anaga aylanib borayotganini, mamlakatimizda inson qadriga yuksak e’tibor qaratilayotgani, Davlatimiz rahbari tashabbuslari bilan jamiyatning har bir
a’zosiga g‘amxo‘rlik va mehr-oqibat ko‘rsatilayotgani ta’kidlandi. Shuningdek, inson qadr-qimmati, uning orzu-niyatlarini ro‘yobga chiqarish uchun keng imkoniyatlar yaratilayotgani ustuvor vazifaga aylangani qayd etildi. 

    Tadbirda jamiyatimiz ravnaqiga hissa qo‘shadigan, vatanparvar, milliy qadriyatlarimizga hurmat ruhida tarbiyalangan barkamol avlodni voyaga yetkazish barchamizning muhim vazifamiz ekani alohida ta’kidlandi.