Xalq deputatlari Quvasoy shahar Kengashi qarori ijrosi yuzasidan

O‘zbekiston Respublikasi Prezidentining 2026-yil 5-yanvar kungi PQ–1-sonli qarori ijrosini ta’minlash maqsadida qabul qilingan Xalq deputatlari Quvasoy shahar Kengashi qarori ijrosi yuzasidan Quvasoy shahridagi “Namuna” mahalla fuqarolar yig‘inida “Ijtimoiy profilaktika haftaligi” doirasida targ‘ibot va profilaktik tadbir tashkil etildi.

Mazkur haftalikning asosiy maqsadi aholining ijtimoiy muammolarini aniqlash va ularni bartaraf etish, huquqbuzarliklarning oldini olish, nizoli oilalar, ishsiz fuqarolar va ayollar bilan manzilli ishlash, shuningdek, fuqarolarning huquqiy madaniyati va savodxonligini oshirishdan iborat.

Haftalik davomida mahalla hududida fuqarolar bilan ochiq muloqotlar, tushuntirish ishlari, huquqiy maslahatlar hamda profilaktik suhbatlar tashkil etilmoqda. Tadbirlar orqali aholi muammolarini joyida o‘rganish, ularni hal etish bo‘yicha mas’ul tashkilotlar ishtirokida aniq chora-tadbirlar belgilashga alohida e’tibor qaratilmoqda.

“Ijtimoiy profilaktika haftaligi” doirasidagi tadbirlar tegishli tashkilot va mutasaddi idoralar hamkorligida amalga oshirilib, mahallalarda osoyishtalikni mustahkamlash, ijtimoiy muhitni sog‘lomlashtirish hamda aholi bilan bevosita muloqotni yanada kuchaytirishga xizmat qilmoqda.