Xalq deputatlari Zarbdor tuman Kengashining 13-Adirobod saylov okrugi deputati Keldibekova Sanobar Abduraxmonovna tomonidan saylovchilar bilan navbatdagi uchrashuv tashkil etildi.
Uchrashuv davomida mahalladagi mavjud infratuzilma holati, aholini qiynab kelayotgan ijtimoiy muammolar hamda ularni bartaraf etish masalalari muhokama qilindi. Shuningdek, Adirobod mahallasining “Obod mahalla” davlat dasturiga kiritilgani munosabati bilan ushbu dastur doirasida amalga oshiriladigan ishlar, rejalashtirilgan loyihalar va ularning aholi turmush tarziga ijobiy ta’siri haqida atroflicha ma’lumot berildi.

Saylovchilar o‘zlarini qiziqtirgan savollar bilan murojaat qilib, taklif va mulohazalarini bildirdilar. Deputat tomonidan ko‘tarilgan masalalar yuzasidan tegishli tashkilotlar bilan hamkorlikda ish olib borilishi ta’kidlandi.

Uchrashuv ochiq va samimiy muloqot ruhida o‘tdi.