Xalq deputatlari tuman Kengashining 15-Navoiy okrugi deputati Q.Abduqodirov hamda Bog'bon MFY hududidagi mahalla faollari ishtirokida aholini uzoq vaqtdan buyon qiynab kelayotgan muammolar atroflicha o‘rganildi.

O‘rganishlar davomida Bog'bon MFYdagi Oqqo‘rgonlik va Uchtom ko‘chalari hududida sizot suv tarmoqlarida yuzaga kelgan muammo va kamchiliklar aniqlanib, mavjud holat joyiga chiqib ko‘zdan kechirildi. 

Aholi tomonidan bildirilgan murojaatlar tinglanib, muammolarning kelib chiqish sabablari muhokama qilindi.

Mazkur masalalarni bartaraf etish bo‘yicha mas’ul tashkilotlar bilan hamkorlikda tegishli choralar ko‘rish, muammolarni bosqichma-bosqich hal etish yuzasidan taklif va tavsiyalar ishlab chiqildi. Aholi bilan doimiy muloqotni yo‘lga qo‘yish va hududdagi infratuzilma holatini yaxshilash ustuvor vazifa etib belgilandi.