Deputatlar tomonidan tumanda davlat dasturlariga kiritilgan loyihalar ijrosi doimiy ravishda o‘rganib kelinmoqda.

O‘zbekiston Respublikasi Prezidentining 2024-yil 28-martdagi “Islom taraqqiyot banki ishtirokida «Qishloq joylarni kompleks rivojlantirish» (2-bosqich) loyihasini amalga oshirish chora-tadbirlari to‘g‘risida”gi PQ-141-sonli qarori asosida Muzrabot tumani “Mehnatobod” MFYda 4 ta loyiha bo‘yicha amalga oshirilayotgan qurilish, ta’mirlash ishlarining hozirgi kundagi bajarilish holatini xalq deputatlari tuman Kengashiga 11-Qahramon saylov okrugidan saylangan deputat J.Amonov o‘rgandi.

O‘rganish davomida “Mehnatobod” mahallasida quyidagi ishlar bajarilayotganligi ma’lum bo‘ldi.

- 43-maktabni rekonstruksiya qilish (mavjud 110-o‘rinli binoni mukammal ta’mirlash va 120 o‘rinli qo‘shimcha binosi qurish) bo‘yicha ishlar boshlab yuborilgan. Yer va poydevor ishlari olib borilmoqda,

- Mahalla hududida Elektr ta’minoti tizimini yaxshilash bo‘yicha ishlar amalga oshirilmoqda. 26,6 km tarmoq tortilgan. 476 dona tayanch ustunlar o‘rnatilgan. 6-dona transformatorlar olib kelinib, yer tayyorlash ishlari bajarilmoqda.

- Piyodalar yo‘lakchasi joyi uchun tosh shag‘al to‘shalgan.

- Asosiy va ichki yo‘llarni asfaltlash bo‘yicha yer tekislash ishlariga tayyorlanmoqda.

O‘tkazilgan deputatlik nazorati natijasiga ko‘ra mutasaddilarga ishlarning sifatli amalga oshirish bo‘yicha tegishli qo‘shimcha ko‘rsatmalar berildi.