Xalıq deputatları Bozataw Keńesiniń deputatı, ÓzXDP rayonlıq Keńesiniń topar aǵzası Gulxatisha Yusupova tárepinen «Bozataw» PPJ baslıǵı hám kekse nuranıyler menen ushırasıw ótkerildi. 

Ushırasıw dawamında ótken dáwir dawamında máhállelerde ámelge asırılǵan jumıslar, sonıń ishinde, sociallıq tarawdaǵı reformalar, infrastrukturanı jaqsılaw hám xalıqtıń múrájatları tiykarında sheshilgen máseleler boyınsha tolıq maǵlıwmatlar berildi. Sonday-aq, "Baslamalı byudjet" elektron platformasına xalıqtıń kóp jıllardan berli qiynap kiyatırǵan mashqalalardı jaylastırıw joybarların tallaw haqqında pikir bildirildi. 

Bunnan tısqarı, ushırasıw dawamında «Bozataw» máhálleleriniń ishki kóshelerindegi gónergen sim aǵashlardı jańa beton sim aǵashlarǵa almastırıw, ishki jollardıń qara qaplamalı asfalt jolın tósew máselesinde ámeliy járdem soraldı. Bul múrájatlar deputat tárepinen qadaǵalawǵa alındı.