Sessiya ishida Jizzax viloyati hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari Sh.Jo‘rayev, Jizzax shahar hokimi K.Xolmurodov, shahar Kengashi raisi va deputatlari, shuningdek, tegishli tashkilot va idoralar rahbarlari, mutaxassislar hamda ommaviy axborot vositalari vakillari ishtirok etdi.

Sessiya kun tartibiga quyidagi muhim masalalar kiritildi:

1️⃣ Jizzax shahrini 2026–2027-yillarda ijtimoiy-iqtisodiy rivojlantirish hamda “Mahallani rivojlantirish va jamiyatni yuksaltirish yili” doirasida amalga oshiriladigan ishlar to‘g‘risida.

2️⃣ Jamoatchilik fikri asosida shakllantirilgan tadbirlarni 2025 yil 1–2-mavsumlarda moliyalashtirish bo‘yicha mablag‘lar ijrosi yuzasidan hisobot to‘g‘risida.

3️⃣ To‘ylar, oilaviy tantanalar va marosimlarni muvofiqlashtirish bo‘yicha komissiya tarkibiga o‘zgartirish kiritish masalasi.

4️⃣ Shahar ichki yo‘llarini saqlash va joriy ta’mirlash bo‘yicha 2025-yilgi manzilli ro‘yxatga o‘zgartirish kiritish to‘g‘risida.

Sessiya davomida masalalar yuzasidan mas’ullar axborot va hisobotlar bilan chiqish qildi, deputatlar tomonidan taklif va mulohazalar bildirildi. Muhokamalar yakunida kun tartibidagi barcha masalalar atroflicha ko‘rib chiqilib, tegishli qarorlar qabul qilindi.