Deputatlarning hududlardagi faoliyati xalq bilan bevosita uchrashuv va muloqotlari sabab joylardagi murojaatlarning ijobiy hal qilinayotganini ko‘rish mumkin. Beruniy tumani Shabboz okrugidan saylangan deputat Shuxrat Karimov saylovchilar bilan uchrashuvi davomida “Toza hudud” davlat unitar korxonasi bilan tuzilgan shartnomaga asosan maishiy chiqindilar olib chiqib ketilmayotgani, bu esa elektr energiyasiga to‘lovlar amalga oshirilmayotgani yuzasidan yo‘llangan murojaat deputat tomonidan hal qilindi. “Toza hudud” davlat unitar korxonasi tomonidan maxsus transportlar Karvon aholi manzilidan haftaning har shanba kuni kelib, maishiy chiqindilarni olib ketishni yo‘lga qo‘ydi.   

 Hududdagi yo‘l bo‘yida avtomobillarning tinimsiz harakatlanishi sabab piyodalar uchun yo‘lak kerakligi bo‘yicha esa deputat so‘rovnomasi yuborilgan. Yaqin kunlar ichida ijobiy hal qilinishiga aholining ishonchi komil. Deputatlar korpusi tomonidan hududlardagi muommolar joriy yilning 2-10 fevral kunlari belgilangan rejaga asosan o‘rganilib, hal qilinishi bo‘yicha korxona, tashkilotlarga deputatlik so‘rovnomalari yuboriladi.   

 Deputat xalq vakili ekan xalq nomidan ko‘tarilgan har bir masalaga mas’uliyat bilan qarash va hal qilish davlat xizmatchilarining asosiy vazifasi hisoblanadi. Shu o‘rinda Ibn Sino mahallasi Karvon aholi manzilida istiqomatqiluvchi aholi murojaatiga o‘z vaqtida ijobiy yondashgani uchun “Toza hudud” davlat unitar korxonasiga minnatdorlik bildiradi.